တိုကျို၊ မေ-၂၄-၂၀၂၄
မျိုးဆက်(VOM)
အမေရိကန်စစ်တပ်ဟာ ဂျပန်နိုင်ငံအနီး၌ ဖြစ်ပေါ်နိုင်ခြေရှိသော အရေးပေါ်အခြေအနေများအတွက် လျှင်မြန်သော တုံ့ပြန်နိုင်စွမ်းအားကို မြှင့်တင်ဖို့အတွက် ဂျပန်နိုင်ငံမှာ အကြီးစားစစ်ရေးလေ့ကျင့်ဖို့ စီစဉ်နေပါတယ်။
Valiant Shield လို့အမည်ပေးထားတဲ့ စစ်ရေးလေ့ကျင့်မှုကို အမေရိကန်စစ်တပ်ဟာ ဂူအမ်နဲ့ အခြားနေရာတွေမှာ နှစ်နှစ်တကြိမ် ကျင်းပလေ့ရှိပြီး ကြည်း၊ ရေ၊ လေနဲ့မရိန်းတပ်မှ တပ်ဖွဲ့ဝင်တွေ ပါဝင်ပါတယ်။ ယခုနှစ် စစ်ရေးလေ့ကျင့်မှုကို ဇွန်လအစောပိုင်းမှာပြုလုပ်ဖို့ စီစဉ်နေပြီး သီတင်းနှစ်ပတ်ကြာ စစ်ရေးလေ့ကျင့်မှာဖြစ်ပါတယ်။
ဂျပန်စစ်တပ်လေယာဉ်တွေနဲ့အတူ ပူးတွဲစစ်ရေးလေ့ကျင့်ဖို့ အမေရိကန်တိုက်လေယာဉ်တွေဟာ အမေရိကန်အခြေစိုက်စခန်းတွေနဲ့ ဂျပန်အခြေစိုက်စခန်းတွေကို လာရောက်မှာဖြစ်ပါတယ်။
ဂျပန်အရှေ့မြောက်ပိုင်းရှိ ဂျပန်စစ်တပ် အခြေစိုက်စခန်းတွေဟာ ဝန်းကျင်ဒေသမှာ ကင်းလှည့်လေယာဉ်၊ တိုက်လေယာဉ်နဲ့ အခြားလေယာဉ်တွေနဲ့အတူ ကင်းလှည့်တာတွေ ပြုလုပ်နေပြီး အမေရိကန်ရဲ့ စစ်ရေးလေ့ကျင့်မှုမှာ ပါဝင်မှာဖြစ်ပါတယ်။
ဒေသတွင်းမှာ တရုတ်နိုင်ငံရဲ့ စစ်ရေးလှုပ်ရှားမှုတွေတိုးမြှင့်လာချိန်မှာ အမေရိကန်ဟာ ဂျပန်၊ တောင်ကိုရီယားတို့လို အဓိက မဟာမိတ်တွေနဲ့ ပူးပေါင်းဆောင်ရွက်မှုကို မြှင့်တင်လျှက်ရှိပါတယ်။
Ref:NHK
Photo:US Navy
Related posts
-
ဟဇ်ဘိုလာခေါင်းဆောင် သေပြီလို့ အစ္စရေးစစ်တပ် ကြေညာ
တဲလ်အဗစ်၊ စက်တင်ဘာ-၂၈-၂၀၂၄ မျိုးဆက်(VOM) လက်ဘနွန်နိင်ငံ မြို့တော်ဘေရွတ်ကို ပြီးခဲ့တဲ့နေ့ညက အစ္စရေးရဲ့ လေကြောင်းတိုက်ခိုက်မှုအတွင်း... -
တောင်တရုတ်ပင်လယ်မှာ အမေရိကန်မဟာမိတ်တွေ စစ်ရေးလေ့ကျင့်ချိန် တရုတ်ကလည်း ပြိုင်တူ စစ်ရေးလေကျင့်
ပေကျင်း၊ စက်တင်ဘာ-၂၈-၂၀၂၄ မျိုးဆက်(VOM) တင်းမာမှုတွေမြင့်တက်နေတဲ့ အငြင်းပွားဖွယ် တောင်တရုတ်ပင်လယ်ဒေသမှာ တရုတ်စစ်တပ်ဟာ ဝေဟင်၊ ရေပြင်... -
ပြည်ပရောက် အလုပ်သမား လွှဲပို့ငွေစာရင်း မတင်ပြနိုင်လို့ အရေးယူခံရတဲ့ အေဂျင်စီ ၂၅၀ ကျော်ထိ ရှိလာ
စက်တင်ဘာ ၂၈ – ၂၀၂၄SS (VOM)ပြည်ပရောက် အလုပ်သမားတွေရဲ့ လွှဲပို့ငွေစာရင်း မတင်ပြနိုင်တဲ့အတွက် အရေးယူခံရတဲ့...